အပိုင်း(၁)
ဘဝ၏အနက်အဓိပ္ပါယ်ကို အမျိုးမျိုးဖွင့်ဆိုကြသည်၊ မိမိ၏ဘဝသည် “မုန့်”တစ်ခုဟု ဖွင့်ဆိုပါလျှင် မိမိသည် ကံကောင်းခြင်းတို့ဖြင့် အစာသွပ်ထားသည့် ဟန်ဘာဂါ မဟုတ်၊ ဆီပူတို့ဖြင့် အထက်နှင့် အောက်ကို အပြန်ပြန်အလှန်လှန်အကြော်ခံရမှ စားပွဲပေါ်ရောက်ရသည့် ဘယာကြော်မျှသာဖြစ်သည်၊ ဘဝဟူသည် “လှေ”တစ်စီးနှင့်တူသည်၊ “သင်က ပဲ့ကိုင်ရှင်၊ သင်သွားချင်သည့်နေရာရောက်အောင် သင်သည်သာ လှော်ခတ်ရမည်” “ဟု အချို့ က ဆိုကြ၏၊ ထိုသို့ ဘဝသည်“လှေ”ဟု ဆိုလျှင် မိမိသည် သွားရမည့်နေရာ မရေရာသောကြောင့် အပင်ပန်းခံလှော်ခတ်မနေပဲ လှေထဲတွင် လှော်တက်ကို ခေါင်းအုံးပြီး အိပ်နေသူဖြစ်သည်၊ ( အကျိုးဆက်ကား မပင်ပန်းပါ၊ အိပ်ရေးဝပါသည်) အချို့ကလည်း ဘဝဟူသည် “ဇာတ်ခုံ”၊ ထိုသို့ဆိုလျှင် မိမိ၏ဇာတ်ခုံသည် ချိုချဉ်ပေးပြီးကြည့်ခိုင်းထားရသည့် ကလေးအနည်းငယ်သာ လာကြည့်သည့် ဇာတ်ခုံတစ်ခုံသာဖြစ်လိမ့်မည်၊ ပရိတ်သတ်အပြည့်ရှိသည့် ဇာတ်ခုံ မဟုတ်၊ ( အကျိုးဆက်ကား ပရိတ်သတ်၏ ဒုက္ခမရှိပါ)၊
အမရပူရမြို့ ၊ မဟာဂန္ဓာရုံကျောင်းတိုက်ဟူသည် ပညာလိုလာသူများအတွက် နတ်ရေကန်ကြီးတစ်ခု ပင်ဖြစ်သည်၊ သို့သော် မိမိကား ရေကြောက်သောကြောင့် မဆင်းမိပါ၊ ထို့ကြောင့် မိမိဘဝသည် ပျော်စရာကောင်းသော်လည်း အောင်မြင်ခြင်း၊ ပြည့်စုံခြင်း၊ ယုံကြည်မှုရှိခြင်းနှင့် တဖြည်းဖြည်းဝေး လာခဲ့သည်၊ “ထမင်းဆီဆန်း ရွှေလင်ပန်း၊ ဆန်ဖွတ်သည့်အဖိုးအို” ကဲသို့ ကလေးအငိုတိပ်စေမည့် မျှော်လင့်ချက်ကလေးမျှသာ မိမိအထံတွင် ရှိနေတော့သည်။
အိပ်မက်ကြောင့် ပန်းတိုင်ပေါ်
စာမတော်၊ ငွေကြေးမပြည့်စုံပဲ နိုင်ငံခြားကို ပညာသင်ထွက်ဖို့ဆိုသည်မှာ ရူးသွပ်မှုတစ်ခုပင်ဖြစ်သည်၊ ထိုကြောင့် နိုင်ငံခြားတွင် ပညာသင်ရန် စိတ်ကူးလဲ မရှိပါ၊ ဘယ်ကြောင့်ဆိုသော် မိမိနှင့် သိပ်အလှမ်း ကွာနေသောကြောင့်ဖြစ်သည်။ ငွေရေးကြေးရေးမှာ ရဟန်းအမတို့မှ ထောက်ပံ့လှူဒါန်းသော်လည်း လိုအပ်သည့် အသုံးအပြင် မလိုအပ်သည့် အသုံးတို့ကြောင့် မိမိလက်ထဲတွင် တစ်နှစ်တွင် ၁၀-လ လောက်က ငွေမရှိသည်သာများသည်၊ ရဟန်းငယ်များကို သနှား၍ ငွေချေးပေးသော ဘုန်းကြီးတစ်ပါး ထံတွင် ဗီဒီယိုကြည့်ရန် (ကျောင်းတိုက်က ခွင့်မပြုသော်လည်း ဝါသနာပါသောကြောင့် ညတိုင်း နီးပါးခိုးကြည့်သည်) ချေးထားသော အကြွေးသည်ပင် မနဲလှ၊ တစ်နေရာမှရလျှင် အကြွေး ဆပ်လိုက်ရ သောကြောင့် တစ်ပြားမှ မသုံးလိုက်သည့်အခါလည်း မနည်းပေ။
ပြောလက်စနှင့်ဆက်ပြောရလျှင် တနေ့တွင် မိမိတို့အဖွဲ့ နှင့်ရင်းနှီးသော ဒကာကြီးနှင့် သူ့တူတော် မောင်တို့ မိမိတို့ကျောင်းတိုက်သို့ ကံဆိုးစွာဖြင့် ရောက်ရှိလာသည်၊ ထိုအချိန်တွင် မိမိတို့တစ်ဖွဲ့လုံးတွင် ငွေရေးကြေးရေးပြတ်လပ်နေချိန်လည်းဖြစ်သည်၊ အခြားသူတို့ထံတွင် ငွေချေးကြည့်သော်လည်း သူတို့တွင် လည်း အဆင်မပြေကြ။
သို့အတွက်ကြောင့် ဧည့်သည်တို့ကို ဘာမှကျွေးစရာ မရှိသောကြောင့် ဘာမှမကျွေးပဲ ပစ်ထား လိုက် သည်၊ ဧည့်သည်တို့မှာလည်း ဗိုက်ဆာသောကြောင့် ထိုင်လိုက်၊ ထလိုက်၊ ရေအိုးစင်တွင် ရေသောက် လိုက်၊ ပြန်အိပ်လိုက်လုပ်နေသည်ကို စိတ်မကောင်းစွာဖြင့်ပင် ထုိုင်ကြည့်နေခဲ့ရပါသည်၊ ထိုမြင်ကွင်း ကလေးကို ယခုအချိန်အထိ မမေ့နိုင်ပါ။ ဤအဖြစ်အပျက်မှာ မိမိ၏ ကြွယ်ဝမှုအခြေအနေပင် ဖြစ်သည်၊ ထိုအခြေအနေနှင့် နိုင်ငံခြားပညာသင်ထွက်ရန် မည်သို့ဖြစ်နိုင်ပါမည်နည်း။
သို့သော် ဘဝဆိုသည်မှာ ပုံသေသွားနေသည်တော့မဟုတ်ပါ၊ ပြောင်းလဲဖို့ရာအတွက် အခြေအနေတို့ ပေါ်ပေါက်လာတတ်ပါသည်၊ အခြေအနေပေါ်ပေါက်လာသည်ဟုဆိုလိုက်သောကြောင့် ငွေရေးကြေး ရေးပြည့်စုံသူက ထောက်ပံ့တာဖြစ်လိမ့်မည်ဟု အထင်တကြီးမတွေးလိုက်ပါနှင့်၊ ဆွမ်းဝအောင်စားနေ သည်ကပင် မိမိအတွက် ကံကောင်းနေလှပါပြီ။
မိမိဘဝကိုပြောင်းလဲစေမည့်အရာမှာ မိမိ၏အိပ်မက်ပင်ဖြစ်သည်၊ ၂၀၀၂ ခုနှစ် အလယ်ပိုင်းလောက်ဖြစ် မည်ထင်သည်၊ မဆီမဆိုင် အိပ်မက်တစ်ခုမက်သည်၊ ထိုအိပ်မက်ထဲတွင် “မိမိသည် နိုင်ငံခြားတက္ကသိုလ်တစ်ခုတွင် (မည်သည့်နိုင်ငံဟု အိပ်မက်တွင် မပါ) တက္ကသိုလ်ကျောင်းသား ဖြစ် နေသည်၊ သူငယ်ချင်းများ ဘတ်စကက်ဘောလ် ကစားနေသည်ကို ဘေးထိုင်ခုံမှ မိမိက ထိုင်ပြီးကြည့် နေသည်၊ သူငယ်ချင်းများက အတူကစားဖို့အတင်းခေါ်နေသော်လည်း မိမိက သင်္ကန်းကြီး ဖိုးရိုးဖားယား နှင့်မှို့ ဝင်မဆော့ဖြစ်ပါ”၊ အိပ်မက်မှာ ထိုမျှသာဖြစ်သည်၊ ကြာမြင့်ချိန် ၂-မိနစ်ခန့် သာဖြစ်သည်။
အိပ်ယာမှနိုးသည့်အခါ နိုင်ငံခြားတွင် တက္ကသိုလ်ကျောင်းသာမဟုတ်တော့ပါ၊ စာမေးပွဲတဘုန်းဘုန်းကျ သော ကြွေးမြီးသိပ်မပြတ်သည့် ရဟန်းတစ်ပါးဖြစ်နေသည်၊ သို့သော် ထိုအိပ်မက်ကလေးကို သဘော ကျသည်၊ ပိုက်ဆံဖြင့်ဝယ်လို့ရလျှင် ငွေချေးပြီး ထပ်ဝယ်ဖြစ်လောက်သည်၊ ထိုအိပ်မက်ကြောင့် ပျော်သွားသည်၊မိမိ၏ အပျော်သည် တစ်မနက်မဟုတ်ပါ၊ တစ်ရက်မဟုတ်ပါ၊ တစ်လမဟုတ်ပါ၊ တစ်နှစ်မဟုတ်ပါ၊ “ ငါက အိပ်မက်ထဲမှာ တက္ကသိုလ်ကျောင်းသားကြီး” ဟု တွေးလိုက်တိုင်း ပျော်သည်၊ ပျော်သောကြောင့် ရင်းနီးသည့်သူများကိုလည်း ပြောမိသည်၊ နှုတ်မှ ဘာမှမှတ်ချက်မပေးကြပါ၊ သို့သော် စိတ်ထဲမှ “ဒီဦးဇင်းတော့ ပေါက်သွားပြီ”ဟုများ တွေးကြလေမလားမသိ။
ထိုအိမ်မက်လေးကြောင့် စာနဲနဲကျက်ဖြစ်လာသည်၊ အိပ်ချိန်နှင့်လ္ဘက်ရည်ဆိုင်ထိုင်ချိန်တို့မှ အချိန်ကို နှမျောတောတောနှင့် စာကြည့်ဖို့ရာ ဖဲ့ပေးခဲ့သည်၊ သို့အတွက်ကြောင့် ၂၀၀၃ ခုနှစ်တွင် “အနောက်တိုင်းမှ ဗုဒ္ဓဝါဒဆိုင်ရာအမေးအဖြေများ” ဘာသာပြန်စာအုပ်တစ်အုပ် ထုတ်ဝေခဲ့သည်၊ ခဏအတွင်းမှာပင် ထိုစာအုပ်ကလေးရောင်းကုန်သွားခဲ့သည်၊ ဒုတိယအကြိမ် ထပ်မံထုတ်ဝေခဲ့သည်၊ အချိန်တအား ကြီးတော့ မကြာလိုက်ပါ၊ ဒုတိယအကြိမ် စာအုပ်လဲ ကုန်သွားပါသည်၊ “ဘယ်ဆိုးလို့လဲ ….တော်သားပဲ”စသည်ဖြင့် မိမိဘဝနှင့်ရန်ဖြစ်ထားသလို မိမိမကြားဘူးသေးသော စကားလုံးများ မိမိကြားခဲ့ရသည်၊ ထို့ကြောင့် စာကြည့်ချိန်လေးကို ပိုပြီးပေးဖြစ်ခဲ့သည်။
စာအုပ် ဒုတိယအကြိမ်ရိုက်နှိပ်ပြီးချိန်တွင် စာအုပ်ဆိုင်မှ ငွေရှင်းသည့်အခါ မိမိလက်ထဲတွင် ငွေကြေး အနည်းငယ်ရှိလာသည်၊ နိုင်ငံခြားတွင် ကျောင်းတက်ချင်သည့်မိမိအတွက် ဒေါ်လာလိုအပ်လေသည်၊ ထိုအခါ ကျောင်းတိုက်ထဲတွင် ထမင်းတောင်းသည့်ကလေးများ(နိုင်ငံခြားသားပေးသောကြောင့် ဒေါ်လာရှိတတ်သည်)နှင့် ဦးပိန်တံတားတွင် ကျောက်ပုတီးစ သည်လက်ဆောင်ပစ္စည်းတို့ရောင်းသော ကလေးများထံမှ ဒေါ်လာ ၁-ဒေါ်လာတန်းများ ကို ဝယ်စုသည်၊ မိမိမှာ မသိမသာ ဒေါ်လာကိုင် လူတန်းစားထဲတွင် ရောက်ရှိနေလေပြီ၊ သို့သော် ပိုက်ဆံမရှိသောကြောင့် ဒေါ်လာတစ်ကျပ်နှစ် ကျပ်လာရောင်းသော ကလေးများကို ပြန်လွှတ် လိုက်ရ သည့်အခါလည်း မနဲပေ။
သို့နှင့် ၂၀၀၆ သို့ရောက်သည့်အခါ မိမိလက်ထဲတွင် ဒေါ်လာ (၃၀၀)ခန့် စုမိပြီး ကျန်သည့် ငွေကို မိဘထံမှအလှူခံပြီး ဒေါ်လာ ၁၂၀၀ ခန့်ရှိသောအခါ သီရိလင်္ကာတွင် တက္ကသိုလ်တက်ရန် ပြင်ဆင်လေပြီ၊ ဒေါ်လာ ၁၂၀၀ မှာ လေယာဉ်စရ်ိတ်နှင့် တက္ကသိုလ်တတ်ရန်တစ်နှစ်စာအတွက်သာ လောက်သည်၊ နေစရိတ်နှင့်စားစရိတ်ပါထည့် တွက်လျှင် မလောက်ပါ၊ မလောက်သည့်အတွက် စိတ်ရှုပ်ခံပြီး ထည့်တွက်မနေတော့ပါ၊ ကျောင်းတက်နေရင်း မလောက်သည့်အတွက် “ဓါးပြဖြစ်လျှင်လည်း တုိုက်မည်၊ သူတောင်းစားဖြစ် ဖြစ်မည်ဆိုလျှင်လည်း တောင်းမည်”ဟူသော ဆုံးဖြတ်ချက်ဖြင့် ပတ်စ်ပို့လုပ်ပြီးသီရိလင်္ကာသို့ တက္ကသိုလ်တက်ရန် ထွက်လာခဲ့သည်၊ ရန်ကုန်ရောက် သည့်အခါ မိမိအခြေအနေကို သိသော ရဟန်းမယ် တော်မိသားစုမှ ဒေါ်လာ ၁၀၀၀ လှူသောကြောင့် လူတန်းစေ့သူတန်စေ့ ကျောင်းသွားတက်နိုင် လေသည်။
အ်ိပ်မက်ကလေးကြောင့် အိပ်မက်ထဲက တက္ကသိုလ်ကျောင်းသားမှ တကယ်တက္ကသိုလ်ကျောင်းသား ဖြစ်လာခဲ့သည်၊ ကိုယ်ဖြစ်ချင်တာကို တစိုက်မတ်မတ်လုပ်ရင်း ဖြစ်နိုင်ခြေ ရှိသည့်အခွင့်အရေးများ ကိုလည်း တပြိုင်နက်စုစည်းခဲ့ပါ၊ တနေ့တော့သင့်အိပ်မက် အကောင်ထည်ပေါ်လာပါလိမ့်မည်။
